ساحة جامعية للنقاش والتحدث بشفافية فيما يتعلق بالكلية والمجتمع


    تتذكروا!!!!؟؟؟...

    شاطر
    avatar
    just me
    ــــــــــــــــــــــــــــ
    ــــــــــــــــــــــــــــ

    انثى
    عدد الرسائل : 1208
    العمر : 29
    Localisation : life never stop
    الأوسمة :
    تاريخ التسجيل : 11/10/2010
    التنبيهات :

    تتذكروا!!!!؟؟؟...

    مُساهمة من طرف just me في الأحد 28 نوفمبر 2010 - 4:40

    بتتذكروا ،،،،

    بتتذكروا..
    يوم يجي أخوك الأكبر منك ويقول لك: بدك أرسم لك ساعة وانته تمد إيدك ويعضّك هديك العضة اللي تضل مرسومة أسبوع.

    ‏ بتتذكروا..
    يوم كنا نتصوّر عند مصوّر العيلة وطبعاً غصب عنك الخلفية زرقاء مو بكيفك ولازم تمشط شعرك بالمشط اللي عنده.. كله شعر...




    ‏ بتتذكروا...
    المصيص الأحمر اللي بيعلق بالسنان ومعو عود لونه احمر مخطط بالأبيض وكنا نقلبو بالمقلوب ونحطو ع الشمعة أو الغاز وننفخ مشان نساوي فقاقيع وطبعا ما تطلع النفيخة لحتى تطلع زلاعيمك معها وتنحرق كل أصابيعك.

    بتتذكروا..
    يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت ونتم ناكل مثله

    وبعدين نحطو بطاسة مي أو بالمغسلة وناكلو عم يشرشر.

    بتتذكروا..
    يوم الجمعة ... ‏نقوم من الصبح مشان نسمع أغنية في قصص الشعوب قصائص لا تنتهي

    وعالم حلو بهي يسكن في القلوب في قصص الشعوب .

    بتتذكروا..
    تيلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل.

    ‏ بتتذكروا..
    يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي ناطط غلط ومنكسرة إيدك.

    ‏ بتتذكروا..
    يوم كنا نحط الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي الوالدة حاططته تحت ومانو متلّج.. يا حسرة.

    بتتذكروا..
    لما كانوا الأولاد يشطفوا البرندة بالصابون ويضلوا يتزحلطوا عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة..




    بتتذكروا..
    لما كنا نستقبل الحجاج بكامل الفرحة واللهفة على الهدية والعيدية وآخر شي: مسواك ومسبحتين والكاميرا الحمراء وسجادة وللبنات قطعة قماش مبرقعة وساعة.


    بتتذكروا...
    عزايم قبل والسفرة ومفرش الطاولة اللي عليه صورة (‏فواكه) ‏وريحتو لازم مثل ريحة المطبخ وقاعد على كراسي القش اللي لما تقوم تلاقي سيقانك عليها شخوط ومربعات.

    بتتذكروا..
    أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!!

    بتتذكروا..
    أول ما يسرق الأولاد سيارة أبوهم كانت الرجل اليمين على البنزين والرجل اليسار على الفرام من شدة الفرحة .... ‏ولازم طبعاً يمر على أولاد الحارة ويطلعوا معو شي خمسين واحد


    بتتذكروا..
    لما تتقاتل مع ولد الجيران وتقول له: انقلع عن بيتنا وعن رصيفنا...

    يقول لك: مو رصيفكن هادا رصيف الحكومة
    كلام منطقي, ‏ويتم يمرق قدام البيت ويقول لك مادخلك.

    بتتذكروا..
    لما يروحوا الأولاد السوق مع أبوهن أو أمهن مشان يشتروا تياب للعيد ..وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسبالله.

    بتتذكروا..
    لما الشباب بدهن يعملو عضلات يرحوا يترسو علب النيدو باطون ويحطون بينهن عمود حديد وهووووووووب وآخر شي منكسرة ضهورهن.



    بتتذكروا...
    لما نشيل الطراريح والشراشف ونعملهن خيم ...أو ناخذ المخدات الكبيرة ونعملهن بيوت.









    واللي ما عمل شي من المذكور فوق بيكون من جيل الهمبرغر وسبيس توون وأبطال الديجتال..راحت عليكم هديك الأيام

    أولاد هالأيام بتلاقيه عايش مرحلة وحده بس ألا وهي مرحة الكبار: سيارة وموبايل و تدريجة وشحططة في الشوارع والمطاعم. ماشاف لا أفلام كرتون ولا لعب وهو صغير..



    أول ما يفتح التلفزيون بتلاقيه يتفرج ع هيفا ونانسي وروبي

    وعلى أيامنا قصص عالمية و حديث الجمعة الديني وسهرة صباحية ع الشدة كل ليلة خميس

    وأم عمار ببرنامج ما يطلبه الجمهور

    وعصمت رشيد يغني بين الشوطين

    ويوم الجمعة سيران والله أيام
    avatar
    Most Wanted
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 11407
    العمر : 28
    Localisation : ATTACK
    الأوسمة :
    تاريخ التسجيل : 22/01/2009
    التنبيهات :

    رد: تتذكروا!!!!؟؟؟...

    مُساهمة من طرف Most Wanted في الأحد 28 نوفمبر 2010 - 22:47

    يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي ناطط غلط ومنكسرة إيدك


    عن جد مابي مثل أيام الطفولة

    لاهم ولاغم كلها لعب بلعب



    avatar
    Ӝslam٠
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 3364
    الأوسمة :
    تاريخ التسجيل : 02/09/2009
    التنبيهات :

    رد: تتذكروا!!!!؟؟؟...

    مُساهمة من طرف Ӝslam٠ في الإثنين 29 نوفمبر 2010 - 2:07


    .
    أووووووووووههه
    الله عليك ياjust me
    رجعتينا سنين لورااااا .....صألله عأيام زمان شقد كانت حللللللوووووة .......
    الحمد لله إنو عشناها بالطول والعرض ...الحارة و قصص الشعوب وسندريلا وفلةو...والمصاصاة والجمعات العائلية يوم الجمعة و بيت البيوت والزحلقة و البسكليتات و ال.....
    رحل ظل لبكرا احكي ومابخلص عل أيام زمان الرائعة بكل معنى الكلمة ....
    شكرا كتير الك
    avatar
    WaDDa7
    مشرف قسم "Photo Gallery"
    مشرف قسم

    ذكر
    عدد الرسائل : 6654
    العمر : 28
    Localisation : القصور
    الأوسمة :
    تاريخ التسجيل : 01/03/2008
    التنبيهات :

    رد: تتذكروا!!!!؟؟؟...

    مُساهمة من طرف WaDDa7 في الإثنين 29 نوفمبر 2010 - 2:30

    اييييييييييييه أياااام
    يسلمو ع الموضوع







    يــــارب احـــمــــي هـــــالــــبــــلـــد

    avatar
    AbO 3dNaN
    مشرف قسم "الصناعات البتروكيميائية"
    مشرف قسم

    ذكر
    عدد الرسائل : 2575
    العمر : 27
    Localisation : AL 3MMAL
    الأوسمة :
    تاريخ التسجيل : 23/09/2008
    التنبيهات :

    رد: تتذكروا!!!!؟؟؟...

    مُساهمة من طرف AbO 3dNaN في الإثنين 29 نوفمبر 2010 - 16:01


    سوري

    بس الموضوع مكرر







      الوقت/التاريخ الآن هو السبت 19 أغسطس 2017 - 9:44