ساحة جامعية للنقاش والتحدث بشفافية فيما يتعلق بالكلية والمجتمع


    حياتنا قبل الدش...........

    شاطر

    عاشق ميريام
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 72
    العمر : 25
    Localisation : قامشلو
    الأوسمة :
    تاريخ التسجيل : 08/08/2010
    التنبيهات :

    حياتنا قبل الدش...........

    مُساهمة من طرف عاشق ميريام في الأحد 26 سبتمبر 2010 - 18:33

    حياتنا قبل الدش..... للسوريين فقط
    حياتنا قبل (الدش) …

    -أرضنا الخضراء:ناس عم تفلح و تزرع و شو ذنبنا نشوفن؟ما بعرف! و بيصورولك الزراعة كأنها شي صناعة ذرية تقولها!!!ولهلأ بتذكر اسم مقدم البرنامج:بشار مصري زاده-قدس الله سرو


    -الايدي الماهرة: و من اعداد و تقديم الشب نفسو(لعما واسطو شو قوية),كمان وين في واحد عم ينكش بوابير,واحد عم يركب حداوي,واحد عم يقص تنك...بي جيبوه بيعملوه عماد الاقتصاد الوطني!بحيث بتبين جمبو صناعة الصواريخ شغلة تافهة!و أحلى شي بيسألو بالآخر:"وين اليد الماهرة بالموضوع"هادا عأساس متل سؤال أزلي!


    مع العمال:و وين رحنا ووين جينا نحن العمال و شو عم يسوو بفرع الحسكة و درعا بنادي العمال للدحل,و وين عم يتسيرنو العمال بادلب,و شو عم يساوو مشان الباص الواقف بمعمل العلك بحلب,و صفقة الطواقي البحرية لعمال المرفأ اللي بيكنسو ا لارض باللادقية....
    -

    نحن الطلبة:كلو رقص و دبك و انشطة اجتماعية و محاضرات و سيارين و شك نصبات شجر....بس شو لاعن نفس الطالب,وين عم يتشرد الطالب ايام الدراسة و ما بعد التخرج؟؟؟هيدي شغلات ثانوية..وعلى مهرجانات خطابية!!انا بفضل يت سمى مع الدبيكة و رقيصة العربي!
    -

    أطفال هواة: يااااي ماما فاتنة ليش سنانك سود؟؟!!دخان ولا حشيش؟؟!!و منين بيجيبو هالقرود ما بعرف!!و هاد شخوطلو شخطين بتلوين تبع ال5 ليرات صار السعدان رسام!و هادا سجل جمعتين و نص بنادي كارتيه بس ابوه جارو للمخرج جابوه ينط بخلقتنا!!وهادا علمو البابا الشطرنج و هوي جايب شطرنج البابا يفرجينا عليه,بس شو دور الولد ما بعرف!!هوي ص نع الشطرنج ولا بيلعب فيه!!
    -

    الطلائع: برنامجي المفضل!بس موت و أعرف مين كان يشوفو من الاولاد!!!
    "الرفيق الطليعي خلف الجاسم الرائد عمستوى القطر بالفيزياء"خزية العين!و بدو يفرجينا عالتجربة اللي رح تغير وش الكرة الأرضية!...بطاريتين+سلك كهربا+مصباح صغير!.."انظروا انه يشعل!!يطفئ!!يشعل!!يطفئ!!"... اسم الله عليه!!بدو طابة زرقا مو خرزة!!

    Most Wanted
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 11407
    العمر : 28
    Localisation : ATTACK
    الأوسمة :
    تاريخ التسجيل : 22/01/2009
    التنبيهات :

    رد: حياتنا قبل الدش...........

    مُساهمة من طرف Most Wanted في الثلاثاء 28 سبتمبر 2010 - 18:18


    الطلائع: برنامجي المفضل!بس موت و أعرف مين كان يشوفو من الاولاد!!!
    "الرفيق الطليعي خلف الجاسم الرائد عمستوى القطر بالفيزياء"خزية العين!و بدو يفرجينا عالتجربة اللي رح تغير وش الكرة الأرضية!...بطاريتين+سلك كهربا+مصباح صغير!.."انظروا انه يشعل!!يطفئ!!يشعل!!يطفئ!!"... اسم الله عليه!!بدو طابة زرقا مو خرزة!!



    موضوع حلو

    يذكرنا بالماضي الاليم





      الوقت/التاريخ الآن هو الأحد 4 ديسمبر 2016 - 18:11