ساحة جامعية للنقاش والتحدث بشفافية فيما يتعلق بالكلية والمجتمع


    قصيدة غزل شامية

    شاطر

    Pyro >>>>>
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 3328
    العمر : 28
    Localisation : Limbo land
    الأوسمة :
    تاريخ التسجيل : 05/12/2007
    التنبيهات :

    قصيدة غزل شامية

    مُساهمة من طرف Pyro >>>>> في الثلاثاء 5 فبراير 2008 - 18:49

    قصيدة غزل شامية



    بحبك حب الشباك للبرداية ، بحبك حب الأرنبيط للكوساية ...!


    بحبك حب الشلمونة للكولاية .. بحبك حب الطشت للكبجاية..!


    بحبك حب الزيت النباتي للمئلاية .. بحبك حب الجرابات للصرماية ..!


    لك بحبك حب سلاحف النينجا للبيتزاية ...!!!


    يا ريت تكوني شخبرة .. وكون أنا المحاية...


    يا ريت تكوني بريات .. وكون أنا البراية...


    يا ريت ما تحطيلي زء .. لما كون أنا جاية...!


    بحب ضحكتك يللي متل صوت المعزاية ....بحبك حب الدؤونية لللهاية...


    بحبك حب المألمة للشنتاية ....


    يا ريت تكوني عوجا وكون أنا العرباية..


    يا ريت تكوني طربيزة… وكون أنا كنباية ....


    يا مدلوئة حياتي وشعيبيات عمري ووربات بئشطة روحي ...


    يا أحلى زبدية محلاية...


    بحبك حب الريموت للتلفزيون... بحبك حب درفة الباب للمندلون..


    بحبك حب بنت اختي الفصعونة لسبيس تون...


    بحبك حب أبو السوم للطابة.. بحبك اذا كنتي متنحة أو حبابة..


    بحبك حتى لو كان صوتك متل موتور الدبابة..



    سمعيني شوي لحتى احكيلك الأصة...



    يا ريت تكوني حنفية مي عم تشرشر ... وأنا بعصّا..


    نشالله ما يبلا هلطول ... متل عرئ الفصة...


    لك يا ريت تكون معي هيكة كمشة بزر وأعطيكي نصا


    بحبك حب منير الجبان لكلمة صباح الخير...



    بحبك حب جهاد سعد لبرنامج خبرني يا طير...



    لك بتسدئي ؟؟


    بحبك حب جورج بوش لتوني بلير...شه....



    بحبك حب الزلائط للمعؤوود....بحبك حب بيشو لأبو الفوود...


    بحبك حب السعادين للقرود...


    بحبك اذا كنتي ساكتة أو عم تحاكينا...


    بحبك حب ابن اختي الفصعون لبوظة كارينا...بحبك حب البردآن .. للكرمنتينا ...!


    حاجة بأه جننتينا!!!!!

    AL-M.F.S
    الـــمـديـر الـــعـــام
    الـــمـديـر الـــعـــام

    ذكر
    عدد الرسائل : 4030
    العمر : 27
    Localisation : On My Computer
    تاريخ التسجيل : 24/10/2007

    رد: قصيدة غزل شامية

    مُساهمة من طرف AL-M.F.S في الأربعاء 6 فبراير 2008 - 5:59

    شكرا يا أستاذ Pyroعلى هالقصيدة

    والله خرجك تكون بدل نزارو




    الـشـيـئـــان الــذان ليــــس لهمـــا حـــــدود ... الكــــــون والــغـــبـــــاء
    مع أني لست متأكداً بخصوص
    الكون !!







    مــن الــســهــل أن تــضــع يــديــك عــلــى فــمــك حــتــى لا تــتــكــلــم

    لــكــن مــن الــصــعــب أن تــضــعــهــا عــلــى قــلــبــك حــتــى لا يــتــألــم



    Pyro >>>>>
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 3328
    العمر : 28
    Localisation : Limbo land
    الأوسمة :
    تاريخ التسجيل : 05/12/2007
    التنبيهات :

    رد: قصيدة غزل شامية

    مُساهمة من طرف Pyro >>>>> في الخميس 7 فبراير 2008 - 7:29

    على راسي والله

    cahn
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 226
    العمر : 30
    Localisation : syria
    الأوسمة :
    تاريخ التسجيل : 27/11/2007
    التنبيهات :

    رد: قصيدة غزل شامية

    مُساهمة من طرف cahn في الخميس 7 فبراير 2008 - 18:28

    ملعوبه0000

      الوقت/التاريخ الآن هو الخميس 8 ديسمبر 2016 - 0:23