ساحة جامعية للنقاش والتحدث بشفافية فيما يتعلق بالكلية والمجتمع


    خطيبين حماصنة

    شاطر
    avatar
    specter
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 1731
    العمر : 27
    Localisation : In the dark
    الأوسمة :
    تاريخ التسجيل : 10/07/2008

    خطيبين حماصنة

    مُساهمة من طرف specter في الجمعة 25 سبتمبر 2009 - 12:11

    الخطيب = هلو حبيبتي
    الخطيبة = هلو .. شو نسيان انو الك خطيبة؟
    الخطيب = لا والله ... كيف بدي انسى ونحن النا 7 سنين مخطوبين؟
    الخطيبة = لسه ماقررت ايمتى بدنا نتزوج؟
    الخطيب = لكن ليش اتصلت فيكي ؟ حتى نحدد موعد العرس
    الخطيبة = لكن خليها الخميس الجاي كتب الكتاب والعرس بنفس اليوم
    الخطيب = لأ .. مامنلحق . منعمل العرس الخميس ، وانشاء الله بعد أسبوعين منروح للمحكمه ومنكتب الكتاب
    الخطيبة = أو بلا .. ليش العجلة؟ منعمل العرس الخميس ومنخلي كتب الكتاب لبعد مايصير عنا ولد .. منروح منكتب الكتاب ومنسجل الولد بنفس الوقت مشان مانضل رايحيين جايين
    الخطيب = والله فكره حلوة ، بس شلون بدنا نجيب الولد
    الخطيبة = شو بعرفني؟؟ أحسن شي اسأل بابا ..... بس بظن هو بيجي لحاله لأنه ماما بتقلي الأولاد رزقة من عند الله يعني نحن مالنا علاقة بالموضوع
    الخطيب = اووووووووووووووه .. طمنتيني بس بخاف الله يرزقنا من أوسع أبوابه ويبعتلنا شي ستة أو سبعة
    الخطيبة = لا لا لا ... أنا رشيقة وبطني ما بتحمل أكتر من واحد
    الخطيب = ليش هو بالبطن؟؟
    الخطيبة = أي بالبطن جنب المعدة .. و لازم كل أسبوع اروح اشوفه عالكمبيوتر ، بس خايفة يطلع مو حلو
    الخطيب = مو مشكله اذا مو حلو منفرمت الكمبيوتر
    الخطيبة = والله فكره ، لكن أنا ليش قبلت فيك؟ لأنه انت اذكى مني بشوي
    الخطيب = لكن .. أنا بعجبك لما بفكر .. ولو إني أحياناً بتعب من التفكير
    الخطيبة = وأنا كمان أحياناً بيغمى علي من كتر التفكير
    الخطيب = قبل شوي اتصل فيني النجار وسألني عن غرفة النوم كيف بتحبيها ؟ مزدوجة لشخصين ؟ والا منفصلة (بسريرين) ؟؟
    الخطيبة = لا لا .. منفصلة أحسن لأنه أنا من أول مابنام أحلامي كلها جمباز وملاكمة وما بدي تجيك ضربة وازعجك وانت نايم
    الخطيب = شكرا حبيبتي هلأ عرفت أديش انتي بتحبيني
    الخطيبة = حبيبي وما بدنا نتأخر بحفلة العرس ، لازم نرجع بكير لحتى نظف البيت وجهزلك الأكل
    الخطيب = أوكي حبيبيتي
    الخطيبة = منروح للحفلة ومنشوف المعازيم .. وبعدين يزفّونا انت بزفّوك للفندق مشان تقضي شهر العسل على راحتك وانا بزفّوني لبيتنا وبنتظرك بالبيت وبعد شهر بتجي ان شاء الله وبتلاقي الغدا جاهز
    الخطيب = والله عندك أفكار عظيمه .. الحمدلله ، الله عطاني خطيبة جمال وذكاء ..!!
    الخطيبة = شو هاد غزل؟
    الخطيب = العفو .. شو يعني غزل؟
    الخطيبة = غزل: يعني صوف وخيوط !! المهم انت اليوم وين رحت؟
    الخطيب= رحت ع الملعب .. وحضرت مباراة بين الاتحاد والكرامة
    الخطيبة = أكيد اتسليت
    الخطيب = لا والله .. طلعت المباراة إعادة من السنة الماضية
    الخطيبة = و شلون اتذكرتها
    الخطيب = نفس الملابس ، ونفس الحكم لابس اسود ، والطابه نفسها مدعبلة ولونها ابيض
    الخطيبة = كان لازم تتأكد قبل ما تفوت الملعب
    الخطيب = اي والله . فاتتني هالشغلة .. لأني اليوم أنا مطفي
    الخطيبة = خير .. انشا الله مافي شي؟
    الخطيب = لا مافي شي بس الحجي والحجيه صرلن فترة متقاتلين
    الخطيبة = له له له . ليش؟
    الخطيب = ما بعرف صرلن أسبوعين بغرفتهن وقافلين الباب، ولهلأ ماطلعوا
    الخطيبة = بكونوا نايمين
    الخطيب = لا .. بكونوا لسه عم يحلوا المشكلة
    الخطيبة = أي مشكلة؟
    الخطيب = ما بعرف ..ما فهمت .. من أسبوعين سمعت الحجي عم يقول للحجيه: أنا خايف أموت لذلك بدي اعترفلك بخيانتي الزوجية أناكنت عم خونك ، وكنت كل ما اخون بحط حباية فاصوليه بالمزهرية جاب المزهرية طلعوا 3 حبايات فاصوليه وبعدين الحجيه صارت تبكي وقالت: وانا كمان خنتك ، وكنت كل ما اخونك بحط حباية عدس بالمزهرية، وجابتله المزهرية وطلعوا حوالي كمشة إيد بس قالت مشان الحلال والحرام انها طبخت منن ست مرات شوربة برمضان. وهون عصّب الحجي كتير _ مابعرف ليش _ وصرت اسمع صوت ضرب
    الخطيبة = ليكون مابحب شوربة العدس؟
    الخطيب = يمكن ..بس شو يعني خيانة زوجية؟
    الخطيبة = يعني مثلاً الحجيه تقول للحجي انها رايحه لعند الخياطه لتخيط تنورة وهي كذابة تروح عالسوق وتشتري جاهز وبتعرف الجاهز أغلى من التفصيل..!!
    الخطيب = ايوا ... مو بكره تعملي معي خيانة زوجية . صرت بعرفها أصلاً كل مابدك تروحي عالخياطة بدي اروح معك
    الخطيبة = أمرك .. وأنا وين مارحت باخدك معي
    الخطيب = أصيله .. الله يساعدني و أسعدك
    الخطيبة = أنا رح سكّر التلفون .. بس لا تنسى تخبّر أهلك عن موعد العرس
    الخطيب = هلأ رح ضل دق الباب لحتى يفتحولي و راضيهن مع بعض مشان يحضروا عرسنا ..
    الخطيبة = بلا هلأ بكونوا ناموا خليها للصبح وانت كمان نام بسرعة ولا تفكر بشي
    الخطيب = بحاول ... بس مو بإيدي بحب افكر .
    وما زال التفكير مستمـــــــــــراً ..بانتظار استيقاظ الحجي والحجيه !!
    [/size]
    avatar
    AbO 3dNaN
    مشرف قسم "الصناعات البتروكيميائية"
    مشرف قسم

    ذكر
    عدد الرسائل : 2575
    العمر : 27
    Localisation : AL 3MMAL
    الأوسمة :
    تاريخ التسجيل : 23/09/2008
    التنبيهات :

    رد: خطيبين حماصنة

    مُساهمة من طرف AbO 3dNaN في السبت 26 سبتمبر 2009 - 18:15

    الله عليك
    اي شكون هذول حماصنة ولا غير شي
    الله يعين

    مشكور سبكتور



    avatar
    مـدريـ MaDrIdI ـدي
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 5161
    العمر : 27
    Localisation : بقلب كل شخص يحبني
    الأوسمة :
    تاريخ التسجيل : 07/09/2008
    التنبيهات :

    رد: خطيبين حماصنة

    مُساهمة من طرف مـدريـ MaDrIdI ـدي في السبت 26 سبتمبر 2009 - 18:48

    والله الحماصنه ما بي منهم





    لا تأسفن على غدر الزمان لطالما رقصت على جثث الأسود الكلاب
    avatar
    حور العين
    ــــــــــــــــــــــــــــ
    ــــــــــــــــــــــــــــ

    انثى
    عدد الرسائل : 83
    العمر : 27
    Localisation : ديرالزور
    الأوسمة :
    تاريخ التسجيل : 14/04/2009
    التنبيهات :

    رد: خطيبين حماصنة

    مُساهمة من طرف حور العين في السبت 26 سبتمبر 2009 - 19:36

    هههه
    كتير حلوة
    بس مو زودتوها شوي عالحماصنة عنجد ما بيستاهلوا
    avatar
    ابو بعاج
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 35
    العمر : 29
    Localisation : مثنى بعاج
    الأوسمة :
    تاريخ التسجيل : 26/09/2009
    التنبيهات :

    رد: خطيبين حماصنة

    مُساهمة من طرف ابو بعاج في الأحد 27 سبتمبر 2009 - 2:26

    حلوة بس

    الموضوع مكرر
    avatar
    Pegasus
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 503
    العمر : 28
    Localisation : ALBET
    الأوسمة :
    تاريخ التسجيل : 05/11/2008
    التنبيهات :

    رد: خطيبين حماصنة

    مُساهمة من طرف Pegasus في الأحد 27 سبتمبر 2009 - 3:04

    والله بصراحة هية حلوة
    بس رجاء الحماصنة
    مابي منهم
    لحد يقرب عليهم
    avatar
    specter
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 1731
    العمر : 27
    Localisation : In the dark
    الأوسمة :
    تاريخ التسجيل : 10/07/2008

    رد: خطيبين حماصنة

    مُساهمة من طرف specter في الأحد 27 سبتمبر 2009 - 4:46

    مزبوط ابو بعاج موضوع مكرر يعطيك العافية
    حوار مميز بين خطيبين
    وهي على المواضيع المكررة

      الوقت/التاريخ الآن هو الجمعة 15 ديسمبر 2017 - 4:51