ساحة جامعية للنقاش والتحدث بشفافية فيما يتعلق بالكلية والمجتمع


    هل فتاة النت فتاة سيئة.........؟

    شاطر
    avatar
    lona
    ــــــــــــــــــــــــــــ
    ــــــــــــــــــــــــــــ

    انثى
    عدد الرسائل : 630
    العمر : 27
    Localisation : syria
    الأوسمة :
    تاريخ التسجيل : 04/08/2009
    التنبيهات :

    هل فتاة النت فتاة سيئة.........؟

    مُساهمة من طرف lona في الجمعة 11 سبتمبر 2009 - 16:52


    السلام عليكم ورحمه الله وبركاته

    هل فتاة النت فتاه سيئه ولا يفضلها الشباب ؟
    سؤال ما بيروح عن بالي..............؟
    فتاة تكتب في منتديات الانترنت
    أتت اليها أمها ووجها يتهلل بالبشر تكاد اساريرة ان تنطق فرحا وقالت بنيتي لقد جاء فلان وابنه لخطبتك
    الجم الفرح الفتاة اخرس لسانها ونطقت عيناها ببريق السرور : الان سيتحقق حلمي ابني بيتا من السعادة واربي جيلاً يكون قطعة مني اربيه على ناظري يكون عونا لي في الدنيا وذخرا لي في الاخرة لم تبت تلك الليلة فهي لاتحتاج النوم بعد ان تحولت احلام نومها الى حقائق تداعب يقظتها

    وافق ابوها على الخطبة وتمت الرؤيه الشرعية سر بها العريس وسرت به وابتدى الجميع يوزعون خطابات الدعوة لليلة الفرح الموعودة
    ذهب العريس الى عملة اخبر بعض اصحابه بأنه سيتزوج ابنة فلان بارك له الجميع وفي اليوم التالي جاءة احد زملائه وقال له الله الله انت اذن ستتزوج الكاتبة الفلانية التي تكتب في المنتدى الفلاني نظر العريس الى زميله متعجباً عن من تتحدث وماهذا الكلام ؟
    قال زميله خطيبتك كاتبه في منتدى بالاسم الفلاني ؟
    قال وما ادراك ومن اعلمك ؟
    قال اختي تعرفها واسرت لها بذلك ؟
    وهي تكتب باسم مستعار
    اتريد ان نفتح المنتدى لنشاهد مواضيع خطيبتك ؟
    قال العريس والعرق يتصبب ولما لا ؟
    فتح الزميل المنتدى استخرج بالبحث جميع مواضيعها
    ثم بدأ الاثنان في التصفح
    فهاهي ترد على فلان وتشكر فلان وتتناقش مع فلان وتضحك من طرفة فلان
    وهذا فلان يمدح ماتكتب ويثني على ماتقدم وهي ترد عليه بالثناء والشكر
    احمر وجه الخطيب وخرج من المكتب واتصل ببيت خطيبته وقال لامها هل تسمحين لي ان اكلم خطيبتي ؟ قالت امها لامانع .. اخذت البنت الهاتف وقلبها يخفق ويداها ترتجفان تخشى من سماع الكلام المعسول او ان لاتملك القدرة على الرد وهو يحدثها عن بيت المستقبل ؟
    لكنه فاجاءها بسؤال واحد
    هل انتي الكاتبة الفلانية في المنتدى الفلاني ؟
    قالت نعم انا هي
    قاطع حديثها وقال اسف انا لا اتزوج فتاة انتر نت
    وأطبق السماعة
    حالة قد تمر يوما ما على فتى او فتاة
    فما موقفكم ؟
    - 1 -
    ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
    - 2 -
    هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
    - 3 -
    بنظركم ،، هل كل فتاة تستخدم النت لابد أن يكون لها اصدقاء منحرفين ؟
    - 4 -
    ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
    - 5 -
    ماهو الخط الاحمر الذي يجب ان تقف عنده الفتاة وتقول للانترنت
    وداعاً ؟
    - 6 -
    انت كشاب تستخدم النت وتكتب بمنتديات ،، هل تسمح بمن حولك من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟

    اخوااااااااااني تأكدوا ان الاجابات الصادقة لهذه الاسئلة
    سوف تخدم اخوات لكم بشكل كبير ،، فلا تترددوا بالرد عليها دون محاباة او مجاملة ، ولتضع امام عينك مراقبة الله لك في كتابتك ورأيك

    avatar
    gun-shot
    مشرف قسم بريك !
    مشرف قسم بريك !

    ذكر
    عدد الرسائل : 4495
    العمر : 26
    Localisation : آخر قطرة للمطر ... !
    تاريخ التسجيل : 05/07/2009
    التنبيهات :

    رد: هل فتاة النت فتاة سيئة.........؟

    مُساهمة من طرف gun-shot في الجمعة 11 سبتمبر 2009 - 22:48

    و الله يا أخت لونا هالموضوع كنت حابب أطرحو من فترة بس الحمد لله إجا حدا و طرحو عني :
    النت حق للجميع و مو مقتصر عالشب أو عالصبية
    اللي بحدد فتاة النت سيئة أو لأ فهو ذاتها و ردودها و المواضيع المشاركة فيها أما بالنسبة لمحاكاتها للجنس الآخر فهي سواء بالجامعة أو بالشغل أو أي مجال من مجالات الحياة رح تحاكي الجنس الآخر ( بقصد بزماننا ) و طالما هالحكي عم يكون ضمن حدود الأدب من الطرفين فوين المشكلة .
    ومو شرط أبدا انو يكون لكل بنت أصدقاء منحرفين و الحدود اللي البنت لازم توقف عندها فهي خطوط حمرا بتكون راسمتا لحالها و بس تتجاوزها فوقتا لازم تقول للنت وداعاً .
    بالنسبة إلي فأنا رح كون واثق من زوجتي و بناتي و عهالأساس فهنن رح يقولولي شوف شو عم نكتب بدون ما أعمل عليهم لارقيب و لا عتيد

    بس بالأخير بحب ضيف شغلة
    نحن ليش عم نناقش موضوع هل فتاة النت سيئة و ما عم نناقش هل شب النت سيئ ؟؟؟
    يعني بمجتمعنا دائما الحق عالبنت و الشب هو اللي معصوم ؟؟؟؟



    << وليذكر التاريخ أن gun-shot مرّ من هنا >>

    avatar
    Zendetta
    المراقب العام
    المراقب العام

    عدد الرسائل : 10042
    الأوسمة :
    تاريخ التسجيل : 03/09/2009
    التنبيهات :

    رد: هل فتاة النت فتاة سيئة.........؟

    مُساهمة من طرف Zendetta في الجمعة 11 سبتمبر 2009 - 22:53

    السلام عليكم

    هاي شلون هاي سيد عمر؟؟؟
    مو كل أصابع ايدك مثل بعضها
    وبي شباب ما يستاهلون يشوفون الكومبيوتر اصلا لأنو شغلتهم وعملتهم المواقع والشغلات البذيئة .
    والبنات مثلنا مثلهم .شكون يعني اذا شغلو انترنت و ردوا عالمواضيع ؟؟؟ شكون راح يصير يعني ؟؟؟ تخرب الدنيا ؟؟
    وقت ترد عالمواضيع و تشارك بمواضيع مو أحسن من نسبة جبيرة من الشباب اللي مثل ما قلتو قبل؟؟؟
    بعدين يا أخي خليهم شوي يشوفون الدنية و يتعلمون .
    بالنسبة للأخت كاتبة الموضوع

    - 1 -
    ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟

    عادي انسانة مثلها مثلي . وأزيد اني بالعكس أحترمها اكثر من البنت العادية اللي كل همها مكياج وطلعات وفوتات ومسلسلات




    - 2 -
    هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟

    لا أبدا منو قال هيجد ؟؟؟ بس لازم يكون بي حدود . ومراقبة لأنو البنات ينلعب عليهم بسهولة يا حرام ( هاي وجهة نظري أنا ).

    - 3 -
    بنظركم ،، هل كل فتاة تستخدم النت لابد أن يكون لها اصدقاء منحرفين ؟

    اسع الشغلة ما وقفت عالبنات بس ممكن الشب زيد يكون الو صديقات منحرفات هاي شغلة موجودة بكل مكان ولازم نكون احنا واعين الها


    وررب العالمين شاهد علينا
    بالحياة العادية ممكن الانسان يكون الو أصدقاء منحرفين . عادي يعني المهم يكون انسان واعي وما ينحرف معاهم ويعرف حدودو




    - 4 -
    ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟

    أنا أشوف انو الحدود البنت هي اللي تحطها لحالها والمهم انو تكون واعية لكل كلمة تقولها وتنقاللها حتى تقدر ترد وتكبح الجنب الثاني

    وما ينغلط بحقها


    - 5 -
    ماهو الخط الاحمر الذي يجب ان تقف عنده الفتاة وتقول للانترنت
    وداعاً ؟

    أكيد الزواج والولاد أهم من الانترنت اذا كان فقط للدردشة . وزيد الرجل خطو الأحمر هو هاذ الشي الزواج و الولاد


    هاذ رأيي




    - 6 -
    انت كشاب تستخدم النت وتكتب بمنتديات ،، هل تسمح بمن حولك من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟

    لا عادي أمي شاعرة وتكتب بمنتديات (حلوة وأمنعها؟؟!) وأشوف انو المشاركة
    بالمنتديات و الرد عالمواضيع أحسن من القعدة ساعات قدام التلفزيون تا
    يتفرجون عالسخافتنا احنا العرب ومسلسلاتنا اللي كل هدفها تحط من عقولنا .








    أنا بكل تأكيد مع إنو البنت تفوت عالإنترنت و تشارك بالمنتديات تحت مراقبة
    رب العالمين المهم انو تعرف انو رب العالمين راح يحاسبها ويحاسبني على كل
    كلمة نقولها.



    وأتصور انو اللي يقول غير هيجد يكون شرقي زيادة عن اللزوم ( الانترنت ما خلق بس للشباب )



    وآخر شي أشوف انو البنت اللي تشارك بمنتديات وتفوت نت


    أحسن من مية شب من اللي


    ايخذين النت بس للدردشة و التطبيق و ******** اللي بالي بالك



    مشكورة عالموضوع اختي الكريمة


    سلام






    avatar
    Pyro >>>>>
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 3328
    العمر : 29
    Localisation : Limbo land
    الأوسمة :
    تاريخ التسجيل : 05/12/2007
    التنبيهات :

    رد: هل فتاة النت فتاة سيئة.........؟

    مُساهمة من طرف Pyro >>>>> في السبت 12 سبتمبر 2009 - 0:53


    تم حذف رد " عمر"...لعدم ملائمته للموضوع
    avatar
    مـدريـ MaDrIdI ـدي
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 5161
    العمر : 27
    Localisation : بقلب كل شخص يحبني
    الأوسمة :
    تاريخ التسجيل : 07/09/2008
    التنبيهات :

    رد: هل فتاة النت فتاة سيئة.........؟

    مُساهمة من طرف مـدريـ MaDrIdI ـدي في السبت 12 سبتمبر 2009 - 14:12


    أول شي حابب أشكرك يا لونا على هالموضوع الحلو
    وثاني شي أتمنى من كل الأعضاء أنو لما يكون الموضوع بي نقاش جدي يناقشوه
    وما يكتفو بالردود السخيفه واللي ما الها علاقه بالموضوع
    يعني لا يرد هيجذ رد أريح
    وثالث شي مشان الموضوع
    طبعا راح احكي شي مقتنع بيه يمكن يكون صح او غلط
    ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
    طبعا هيا بنت مثل كل البنات يعني ما راح تنزل اسهمها أو تكون غيرمحترمه اذا فاتت على النت
    هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
    أكيد انا مو مع هالحكي
    يعني النت مثلوا مثل اي شي يمكن نستخدمه بالزين ونقدر نستخدمه بالشين
    يعني ليش مثلا ما نمنع خواتنا من استخذام الموبايل يعني مثلوا مثل النت
    بي كل شي من الوسايل اللي تخلي البنت تغلط
    يعني باختصار اذا البنت دخلت على النت هيا مخيرة من أنو تكون سيئه أو لا
    سواءا بالنت أو بلا نت-
    بنظركم ،، هل كل فتاة تستخدم النت لابد أن يكون لها اصدقاء منحرفين ؟
    أي لا أنا أكيد مو مع هالحكي
    يعني شكون يا الله كل البنات
    يعني بنات كليتنا طالما مسجلين هون
    وأكيد احنا أصدقائهم فشلون صارت هاي يعني احنا منحرفين

    وطبعا البنت هون كمان مختاره بين انو تختاز الزين من الشين
    وحسب الشي اللي هيا داخله النت على شانه يعني اذا دخلت لاكل لهوا راح تلاقي
    واذا دخلت مشان التسليه والأستفاده راح تلاقي

    ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
    أكيد نفس الأمور اللي خارج النت هيا نفسها عند استخدام النت
    ماهو الخط الاحمر الذي يجب ان تقف عنده الفتاة وتقول للانترنت
    وداعاً ؟
    اذا كان يمس دينها وحيائها

    انت كشاب تستخدم النت وتكتب بمنتديات ،، هل تسمح بمن حولك من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟
    أول شي كل واحد لازم يكون واثق من اهله
    واذا كنت شيك انهم يتصرفون غلط (وهذا شي مستبعد ) فما راح اراقب النت
    بس بي عندكم الهاتف والفوتات والطلعات
    يعني النت مو كل شي
    وأكيد هما يعرفون مصلحتهم

    وأخر شي حابب أكرر شكري للونا على الموضوع الحلو
    وأتمنى من وايت دووف ختم الموضوع أو أحد المشرفين العامين يختموا
    وأتمنى تقبل مروري






    لا تأسفن على غدر الزمان لطالما رقصت على جثث الأسود الكلاب
    avatar
    AL-M.F.S
    الـــمـديـر الـــعـــام
    الـــمـديـر الـــعـــام

    ذكر
    عدد الرسائل : 4030
    العمر : 28
    Localisation : On My Computer
    تاريخ التسجيل : 24/10/2007

    رد: هل فتاة النت فتاة سيئة.........؟

    مُساهمة من طرف AL-M.F.S في السبت 12 سبتمبر 2009 - 16:17


    أول شي حابب أعلق عالقصة بالفعل تبين إنو هالزوج أمي بالانترنت أو الكمبيوتر

    لحتى عمل عملتو لأنو وين الغلط بكل يلي انقال

    يعني بالفعل إنو متخلف



    أما جواب لكل سؤال
    - 1 -
    ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟

    أكيد أنا أدعو كل فتاة إلى استخدام الانترنت لأنو عالم ثاني وبحكم الفتاة الشرقية شوي منغلقة على حالها بمنزلها
    يكون الانترنت فرصة للتعبير عن شخصيتها وبتطوير مهاراتها


    - 2 -
    هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟

    يعني أبدا لا سيء ولاشي لما يكون في حدود الاحترام وحتى في الحياة العملية خارج نطاق الانترنت بالواقع مايكون سيئ فليش تايكون سيئ خلف شاشة الكمبيوتر


    - 3 -
    بنظركم ،، هل كل فتاة تستخدم النت لابد أن يكون لها اصدقاء منحرفين ؟

    أكيد لأ ونهائيا مو صحيح هالحكي يعني وقت تكون الفتاة بكامل احترامها الواحد غصب عنو بدو حترمها وهذا ما إلو علاقة بوجود أصدقاء منحرفين لهالشي


    - 4 -
    ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟

    أبدا مابي حدود لهالشي بس يجوز إذا كان الموقع اللي هي موجودة بيه غير أخلاقي من ناحية أعضاؤه -غير محترميم- توقف الفتاة بدورها الدخول لهالموقع مو الانترنت

    - 5 -
    ماهو الخط الاحمر الذي يجب ان تقف عنده الفتاة وتقول للانترنت
    وداعاً ؟

    نفس الجواب السابق لا تقول وداعا إلا للموقع اللي يكون مو بصورة جيدة

    - 6 -
    انت كشاب تستخدم النت وتكتب بمنتديات ،، هل تسمح بمن حولك من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟


    أن الصراحة عملتو بيها أنا صحيح ماعندي خوات بس أنا مرة دعيتو قريبتي لتفوت عالموقع وفاتت مدة بس بعدين تركت لبعض الظروف

    يعني أنا بالفعل سعيتو لاستخدام الانترنت من قبل البنات







    وبالأخير حابب أشكرك أخت Lona على موضوعك الرائع


    وأناأريد أعتب على مشرفة القسم لأنو ماختمت الموضوع لحد أسع لأنو الموضوع بالفعل يستحق الختم






    الـشـيـئـــان الــذان ليــــس لهمـــا حـــــدود ... الكــــــون والــغـــبـــــاء
    مع أني لست متأكداً بخصوص
    الكون !!







    مــن الــســهــل أن تــضــع يــديــك عــلــى فــمــك حــتــى لا تــتــكــلــم

    لــكــن مــن الــصــعــب أن تــضــعــهــا عــلــى قــلــبــك حــتــى لا يــتــألــم


    avatar
    Wind Of The Change
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 492
    العمر : 27
    Localisation : 123
    الأوسمة :
    تاريخ التسجيل : 23/12/2007
    التنبيهات :

    رد: هل فتاة النت فتاة سيئة.........؟

    مُساهمة من طرف Wind Of The Change في السبت 12 سبتمبر 2009 - 21:14

    شكرا لونا على هالموضوع الرائع و الكتييييير مهم
    عنجد بستاهلي :

    أما أجوبتي عالأسئلة فهي مطابقة تماماً لأجوبة زميلي بالكلية و العمل
    و مدير الموقع حاليا
    : AL-M.F.S

    يمكن لأنو موظفين بنفس الدائرة و بتصبح بخلقتو كل يوم

    بس حابب ضيف عى جواب السؤال الأخير بالنسبة لاستخدام الانترنت
    أنا برأيي لازم و ضروري يكون في اشراف من قبل الأكبر ويكون من صفات هلاشراف الوعي والانفتاح اسلوب ايصال الفكرة
    avatar
    AhMaD.YuSuF
    نائب المدير العام
    نائب المدير العام

    عدد الرسائل : 7941
    العمر : 27
    الأوسمة :
    تاريخ التسجيل : 28/07/2008
    التنبيهات :

    رد: هل فتاة النت فتاة سيئة.........؟

    مُساهمة من طرف AhMaD.YuSuF في الأحد 13 سبتمبر 2009 - 2:12




    1-ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟

    هلأ مو كل البنات بيستخدموا الإنترنت... يعني بتوقع قليل كتير منهن بيستخدموا الإنترنت و الأغلبية من هالقلة بيستخدموه مشان الفائدة و لأشياء علمية...
    و هذا الشي طالما من حق الشب إنه يتعلم و يستفيد من النت فمن حق الفتاة أيضا....
    -
    2

    هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟

    بهالحالة يكون في حدود و خطوط حمراء يعني المنتديات العلمية أو حتى متل منتدانا بيجمع الطلاب ضمن الكلية أو الجامعة الوحدة واللي كلن على مستوى
    بتوقع هالشي مسموح و ممكن للفتاة الاستخدام... يعني هئ الفتاة بهالحالة مو سيئة بس تكون سيئة لما تدخل لمنتديات بس مشان طق الحنك و الحكي الفاضي ....

    -
    3

    بنظركم ،، هل كل فتاة تستخدم النت لابد أن يكون لها اصدقاء منحرفين ؟



    لا مين قال هالحكي .... بالعكس ممكن كتير هالأصدقاء شباب و بنات بيتساعدو بكتير شغلات مفيدة

    -
    4

    ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟


    هلأ في كتير مواقع ومنتديات ما بتسوى لا للشب ولا للبنت إنه يدخلوا عليها يعني لأنها بتفسدلهن أخلاقهن و ما بتوقع تتناسب مع تربيتنا بالنسبة إلنا كعرب
    -
    5

    ماهو الخط الاحمر الذي يجب ان تقف عنده الفتاة وتقول للانترنت
    وداعاً ؟

    لما يصير الإنترنت يصنع حاجز بينها و بين حياتها الحقيقية لأن باعتقادي الانترنت قد ما يكون فهو عالم من الوهم فاللي ما بتعرف بتستغله منيح بيضيعها

    بمتاهاته الكبيرة..لأن النت إدمااان
    -
    6

    انت كشاب تستخدم النت وتكتب بمنتديات ،، هل تسمح بمن حولك من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟




    لأ مابسمحلن ‏ باستخدم النت ‏..‏ إذا بدهم شي أغنية أو شي موضوع أو بحث أنا بجبلهمياه أما هنة يدخلو .. No No No


    لأني بعرفها منيح و بثق فيها....
    ______________________________
    بالنهاية رح قول إلك يا لونا : طالما البنت واثقة من حالها و بتعرف شو عم تعمل بالنسبة إلي أنا ما رح خاف عليها ......


    على فكرة موضوعك يستاهل عدد لا نهائي من الختوم لأنه بجد موضوع مممممممميز


    و كمان بحب ضيف إنه هالموضوع أول مرة ينطرح

    و هو بصراحة أول موضوع يكون في كل رد ماشاء الله بحجم موضوع بحاله
    فبحيييكي على هالموضوع

    و أكيد متل ما قال المدير يستاهل الختم

    بس بالأخير بحب قول إنه أجوبتي هي حسب نظرة المجتمع الي عايش فيه أنا .. يعني يمثل الشباب الي ردوا قبلي .. بس أنا رأيي مابدي قوله أحسن .. لأن هدا شي ما يخصني

    سلامنتري




    عدل سابقا من قبل AhMaD.YuSuF في السبت 5 يونيو 2010 - 13:45 عدل 1 مرات




    ما بين أرجوحتين .... كان يقف محتارا ..... باكيا
    كلتاهما اعتادتاه ...

    رائحته الصيفية الفحولية
    وزنه .... الذي جعلهما يؤمنان بالجاذبية الأرضية ......
    فلولاها لحلّق !!! مع اول ريح قادمة ....
    ....
    عظامه البادية من جسده !!!.... أجل لقد ألفاها ....
    كانتا تأنّان يوميا ..... على إثر ضمّته ...
    الآتية من الجحيم !

    غرس في الأولى دمعة .... ثم هزّها ...
    وغرس في الثانية ...... قبلة وداع ...

    ثم استفاق

    _______________

    كــــــرم

    avatar
    AL-UNDERTAKER
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 639
    العمر : 29
    Localisation : سوريا - دير الزور
    الأوسمة :
    تاريخ التسجيل : 28/08/2009
    التنبيهات :

    رد: هل فتاة النت فتاة سيئة.........؟

    مُساهمة من طرف AL-UNDERTAKER في الأحد 13 سبتمبر 2009 - 2:55

    أول شي شكرا على الموضوع إلي طرح قضية مهمة جدا
    لكن أنا من وجهة نظري أنو البنت الواثقة من نفسها إنو عملها صح و ما عم تعمل شي يخل بالأخلاق أو لا يرضى عنه أهلها فلا تبالي وكما يقال واثقة الخطوة يمشي ملكا
    avatar
    هدوة الليل
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 27
    العمر : 30
    Localisation : دمشق
    الأوسمة :
    تاريخ التسجيل : 30/08/2009
    التنبيهات :

    رد: هل فتاة النت فتاة سيئة.........؟

    مُساهمة من طرف هدوة الليل في الأحد 13 سبتمبر 2009 - 11:35

    اخخخخ تعبت من القراية
    بشكرك لونا عالموضوع الجميل والهادف
    وبتوقع الشباب والصبايا وضحو الفكرة بشكل جيد
    أما رأيي
    ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
    يعني كأنو بحكيك أنو النت جريمة الواحد بيعملها وخصوصا البنت
    بالعكس النت هو منهل المعرفة والعلم والنت مثل الدش
    فيك توجهو للخير أو الشر طبعا انا بقد بكلامي الشباب والصبايا
    هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
    يلي بفكر هيك بعتبرو متخلف ما دام المواضيع والردور والمشاركات ضمن الادب والاخلاق
    بنظركم ،، هل كل فتاة تستخدم النت لابد أن يكون لها اصدقاء منحرفين ؟
    أكيد هي اذا مؤدبة ما رح تصادق منحرفين (قل لي من تصاحب أقل لك من أنت)
    ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
    حدود أخلاقها وتربيتها وضمن حدود دينها
    ماهو الخط الاحمر الذي يجب ان تقف عنده الفتاة وتقول للانترنت
    وداعاً ؟
    الحدود أنو متل ما قالو أخواني ما بيعرقل النت حياتها الطبيعية وواجباتها تجاه أولادها أو دراستها
    يعني النت مو بس منتديات وتسلاية ودردشة
    لا النت في شغلات مفيدة

    انت كشاب تستخدم النت وتكتب بمنتديات ،، هل تسمح بمن حولك من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟
    بالنسبة للسؤال هذا أنتو بدكون تجاوبو عليه
    أستنادا على آرائي بالأسئلة السابقة
    وهلا خلصنا
    بتمنا بكون أفدتك و أفدت الجميع
    وصبايا نصيحة لوجه الله تعالى
    اذا جاكون بالمستقبل عريس بيأمن بهيك شغلات
    بقترح عليكون لا تفوتوه عالبيت
    من برا قولولو ما في نصيب
    (هي تغير جو)
    تقبلي مروري
    avatar
    حياة الروح
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 677
    العمر : 29
    Localisation : lover 4 ever
    الأوسمة :
    تاريخ التسجيل : 27/02/2009

    رد: هل فتاة النت فتاة سيئة.........؟

    مُساهمة من طرف حياة الروح في الأحد 13 سبتمبر 2009 - 11:37

    مشكورة أخت لونا على هالمقال الحلووووووو



    و راح أجاوب على أسئلتك سؤال سؤال

    - 1 -
    ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟

    راح ننظر لها نظرة الفتاة الناضجة الحضارية واللي تحب يسمعون العالم آراءها بكل وضوح وشجاعة

    - 2 -
    هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
    طبعاً لأ....


    واللي يفكر إنها تكون سيئة يكون مع احترامي... متخلف

    - 3 -
    بنظركم ،، هل كل فتاة تستخدم النت لابد أن يكون لها اصدقاء منحرفين ؟

    طبعا ً النت في إلو استخدامات جيدة وأخرى سيئة......


    وهاي الشغلة ترجع للشخص نفسه ولأخلاقه ومبادؤه

    لذلك فتاة النت المحترمة مستحيل يكون عندها هيك أصدقاء
    - 4 -
    ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟

    والله حسب الموقع.......فالــــفتاة الخلوقة أكيد راح تبعد عن المواقع اللا أخلاقية



    - 5 -
    ماهو الخط الاحمر الذي يجب ان تقف عنده الفتاة وتقول للانترنت
    وداعاً ؟


    يعني أكيد المعاكسات اللي ممكن تجيها من قبل المسيئين

    أو ممكن من بعض المواقع اللا أخلاقية
    - 6 -
    انت كشاب تستخدم النت وتكتب بمنتديات ،، هل تسمح بمن حولك من زوجة او اخت او ابنة ان يستخدموا النت تحت اشرافك او بدون اشراف او تمنعهم ؟



    أكيد أخليهم بس تحت إشرافي

    مو من باب ما إلي ثقة بيهم بس مشان نساعدهم إذا احتاجوا شي شغلة





    بالأخير أحب أشكرك أخت لونــــــــــــا

    على هالموضوع الرائع
    avatar
    lona
    ــــــــــــــــــــــــــــ
    ــــــــــــــــــــــــــــ

    انثى
    عدد الرسائل : 630
    العمر : 27
    Localisation : syria
    الأوسمة :
    تاريخ التسجيل : 04/08/2009
    التنبيهات :

    رد: هل فتاة النت فتاة سيئة.........؟

    مُساهمة من طرف lona في الأربعاء 16 سبتمبر 2009 - 16:36

    كان نفسي شوف ردود اكتر من قبل الاعضاء

    وشكرا كتير للكل
    avatar
    AhMaD.YuSuF
    نائب المدير العام
    نائب المدير العام

    عدد الرسائل : 7941
    العمر : 27
    الأوسمة :
    تاريخ التسجيل : 28/07/2008
    التنبيهات :

    رد: هل فتاة النت فتاة سيئة.........؟

    مُساهمة من طرف AhMaD.YuSuF في الأربعاء 16 سبتمبر 2009 - 16:51

    عزيزيتي لونا .......

    إنتي طرحتي الموضوع للنقاش

    يعني يكفي تسمعي آراء الأعضاء

    و يكفي إنه يكون فيها كم رأي صح

    و أتمنى يكون هالشي صار....
    يعني لا تهتمي بعدد الردود
    سلامنتري




    ما بين أرجوحتين .... كان يقف محتارا ..... باكيا
    كلتاهما اعتادتاه ...

    رائحته الصيفية الفحولية
    وزنه .... الذي جعلهما يؤمنان بالجاذبية الأرضية ......
    فلولاها لحلّق !!! مع اول ريح قادمة ....
    ....
    عظامه البادية من جسده !!!.... أجل لقد ألفاها ....
    كانتا تأنّان يوميا ..... على إثر ضمّته ...
    الآتية من الجحيم !

    غرس في الأولى دمعة .... ثم هزّها ...
    وغرس في الثانية ...... قبلة وداع ...

    ثم استفاق

    _______________

    كــــــرم

    avatar
    Sandra Bullock
    ــــــــــــــــــــــــــــ
    ــــــــــــــــــــــــــــ

    انثى
    عدد الرسائل : 88
    العمر : 27
    Localisation : IN Your Heart
    الأوسمة :
    تاريخ التسجيل : 11/04/2009
    التنبيهات :

    رد: هل فتاة النت فتاة سيئة.........؟

    مُساهمة من طرف Sandra Bullock في الأربعاء 16 سبتمبر 2009 - 19:24

    موضوع مثير يا لونا و لازم يلقى تفاعل اكتر
    بس رح قللك إنه المهم و متل ما قالوا الشباب إنه تكون البنت تعرف شو عم تساوي
    يعني ولو دخلت عالنت شو فيها يعني كفرت شي
    متلها متل الشب طالما ما عم تعمل شي يخل بأخلاقها و تربيتها
    لأن بهداك الوقت يصير بدها وقفة و حكي تاني
    يعني اعملي اللي بدكياه بس الصح أهم شي

    شكرا الك لونا عالموضوع ولو اني تأخرت بالرد بس ظروف
    avatar
    lona
    ــــــــــــــــــــــــــــ
    ــــــــــــــــــــــــــــ

    انثى
    عدد الرسائل : 630
    العمر : 27
    Localisation : syria
    الأوسمة :
    تاريخ التسجيل : 04/08/2009
    التنبيهات :

    رد: هل فتاة النت فتاة سيئة.........؟

    مُساهمة من طرف lona في الأحد 20 سبتمبر 2009 - 4:39

    احمد انا بعرف انو اللي ردو بيكفو وزيادة بس كمان مافي مانع يكون في اراء تانية......


    شكرا لمرورك ساندرا


    فرحت لما شفت ردك بما انك اول بنت تردي على موضوعي



    وانا شفت انو اللي حكو الشباب هو اللي انا مقتنعة في


    واكيد لو مو هيك ما شفتيني بالمنتدى.......
    avatar
    احمود العلي
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 493
    العمر : 28
    Localisation : • يكفيك من نعيم الدنيا نعمة الإسلام ومن الشغل الطاعة ومن العبرة الموت
    الأوسمة :
    تاريخ التسجيل : 06/08/2009
    التنبيهات :

    رد: هل فتاة النت فتاة سيئة.........؟

    مُساهمة من طرف احمود العلي في الأحد 20 سبتمبر 2009 - 5:23

    الردود الي جاءت على الموضوع كافيه وافيه
    وانا مع رأي الشباب
    بس لكل شي وجهين
    والعله لافي النت ولافي اي شي
    الشخص هو الاساس يعني الواثق من حاله ما يهمه الناس وش تحكي

    وعن جد ومن دون مجامله الموضوع يستاهل انه يختم لانه موضوع مميز
    avatar
    Spectrum
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 2422
    العمر : 27
    Localisation : وادي الذئاب ... !!
    الأوسمة :
    تاريخ التسجيل : 25/09/2008
    التنبيهات :

    رد: هل فتاة النت فتاة سيئة.........؟

    مُساهمة من طرف Spectrum في الجمعة 26 فبراير 2010 - 23:04

    بسم الله الرحمن الرحيم
    أول شي أنا ما راح رد على الأسئلة لأنو إذا رديتو يمكن فتيات النت إلا يذبحوني
    ثاني شي
    و على حسب معرفتي أعتقد إنو تقريباً الكل وقف مع إنو مسموح للفتاة الدخول على النت
    وتكلم الشباب والصبايا
    يعني الكل وافق على دخول الفتاة على النت
    طيب
    ياترى إلي قام يدخلون على المسنجر و يتكلمون مع الشباب عليه بحجة التعارف
    و ما أدري شكون هالتعارف راح يعمل أو شكون راح يفيدهم
    مسموح كمان
    أنا وبرأي أعتقد إنو لازم يكون دخول الفتاة على النت بحدود
    يعني يكون هناك خطوط حمراء مشان دخولها على النت و خاصة بردودها مشان ما يصير معاها مثل ما صار بالقصة اللي فوق
    طبعاً هذا رأي شخصي يعني موقف و بس مو أكثر
    و أعتقد لكل فتاة عقل و تربية و حسب عقله و تربايتها راح يوجها عقلها
    و شكراً لونا على طرح هذا الموضوع
    أرجو تقبل مروري
    avatar
    AsSaD
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 1483
    العمر : 28
    Localisation : at home
    الأوسمة :
    تاريخ التسجيل : 19/12/2008
    التنبيهات :

    رد: هل فتاة النت فتاة سيئة.........؟

    مُساهمة من طرف AsSaD في السبت 27 فبراير 2010 - 5:22

    باختصار
    مو كل البنات نفس الشي
    البنت اللي تعرف الصح من الغلط
    ما يأثر فيها لا النت ولا غيرو
    يعني ممكن نلقى بنات يقعو بالغلط
    بس مو الكل
    يسلمو لونا عالموضوع
    avatar
    lona
    ــــــــــــــــــــــــــــ
    ــــــــــــــــــــــــــــ

    انثى
    عدد الرسائل : 630
    العمر : 27
    Localisation : syria
    الأوسمة :
    تاريخ التسجيل : 04/08/2009
    التنبيهات :

    رد: هل فتاة النت فتاة سيئة.........؟

    مُساهمة من طرف lona في الإثنين 1 مارس 2010 - 9:17

    مشكورين ع المرور والآراء
    وبتوقع انو النت ع الاغلب يخلينا نغلط بس اكيد حلو انو يكون درس النا

    helf alqamar

    ذكر
    عدد الرسائل : 3
    العمر : 29
    Localisation : لا تتجهم انك لا تعلم من سيقع في حب ابتسامتك
    الأوسمة :
    تاريخ التسجيل : 07/02/2010
    التنبيهات :

    رد: هل فتاة النت فتاة سيئة.........؟

    مُساهمة من طرف helf alqamar في الأربعاء 3 مارس 2010 - 20:46

    اما انا ياشباب وصبايا ما رح رد على هذا الموضوع لانو كل واحد منكم ما عطى جواب صريح انا بقول للشباب اذا شفت اخت الك او قريبة الك سوري ع التعبير بس منشان نكون واضحين اكثر تحكي مع شب قدامك اكيد ما رح تقبلها واذا قبلتها انت فيك شي غلط انا اسف بس هذا رأي يا شباب يمكن الكثير منكم رح ينزعج من جوابي بس هي الحقيقة
    والبنت انا بسألك نفس السؤال وبشوف جوابك لانو انا شب وبعرف شو يعني الشب اما البنت فهذا من اختصاصك انتي
    avatar
    Spectrum
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 2422
    العمر : 27
    Localisation : وادي الذئاب ... !!
    الأوسمة :
    تاريخ التسجيل : 25/09/2008
    التنبيهات :

    رد: هل فتاة النت فتاة سيئة.........؟

    مُساهمة من طرف Spectrum في السبت 6 مارس 2010 - 23:51

    ياخي معلم هذا الحكي اللي لازم ينحكا
    و فعلاً أنا واحد من الناس ما أقبلها على نفسي بس ما أدري بقية الشباب
    وفعلاتً لازم تنحط ظوابط قوية على النت مشان البنات و الشباب
    avatar
    AhMaD.YuSuF
    نائب المدير العام
    نائب المدير العام

    عدد الرسائل : 7941
    العمر : 27
    الأوسمة :
    تاريخ التسجيل : 28/07/2008
    التنبيهات :

    رد: هل فتاة النت فتاة سيئة.........؟

    مُساهمة من طرف AhMaD.YuSuF في السبت 5 يونيو 2010 - 0:03





    أصلا نسيتو من قبل أعلق على اسم الموضوع .. فتاة النت ..
    وإحنا اسمنا شباب النت يعني ?

    والله إذا البنت دخلت تتسلى شوي وتشارك ضمن الحدود بشي منتدى .. فلا مانع .. بس مو تقضي وقتها كله ع النت .. وطبعا كل هالشي لازم يكون بموافقة الأب ..






    ما بين أرجوحتين .... كان يقف محتارا ..... باكيا
    كلتاهما اعتادتاه ...

    رائحته الصيفية الفحولية
    وزنه .... الذي جعلهما يؤمنان بالجاذبية الأرضية ......
    فلولاها لحلّق !!! مع اول ريح قادمة ....
    ....
    عظامه البادية من جسده !!!.... أجل لقد ألفاها ....
    كانتا تأنّان يوميا ..... على إثر ضمّته ...
    الآتية من الجحيم !

    غرس في الأولى دمعة .... ثم هزّها ...
    وغرس في الثانية ...... قبلة وداع ...

    ثم استفاق

    _______________

    كــــــرم


    ali87

    ذكر
    عدد الرسائل : 6
    العمر : 30
    Localisation : syria derzor
    الأوسمة :
    تاريخ التسجيل : 17/07/2010
    التنبيهات :

    رد: هل فتاة النت فتاة سيئة.........؟

    مُساهمة من طرف ali87 في الإثنين 19 يوليو 2010 - 17:53

    بدون تعليق كلام جميل والاهم القناعة
    avatar
    Most Wanted
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 11407
    العمر : 28
    Localisation : ATTACK
    الأوسمة :
    تاريخ التسجيل : 22/01/2009
    التنبيهات :

    رد: هل فتاة النت فتاة سيئة.........؟

    مُساهمة من طرف Most Wanted في الأحد 10 أكتوبر 2010 - 0:53





    أكيد مو كل فتيات النت سيئين لان الشخص يستخدم النت لعدة أسباب

    الغلط-الفائدة الدينية أو التعلمية-التسلية-طبيعة العمل-الاخباروالرياضة وغيرها

    لكن النسبة الاكبر يستخدمونه مشان الغلط لذلك هو من أخطر الاسلحة الليتواجه الانسان حاليا وحتى البنت اللي
    ماتقدر تعمل شي أمام أهلها خوفا أو برا البيت خوفا من حكي الناس تعملاللي بدها وشكون مابدها عالنت ولامن شاف ولا من دري

    وبما أنه أستخدام الكمبيوتر يتطلب الجلوس لفترات طويلة فالاهل رح يشكونبالبنت وخصوصا أستخدام لوحة المفاتيح لذلك تم حل المشكلة باستخدام الموبايل وبرامجالمحادثة اللي تنزل علييه حتى صارت البنت تقعد عالموبايل باي وقت وشقد مابدها ولاحدا يدري بيها أو يشك

    طبعا هذا الشي ينطبق عالشباب لكن كلنا يعرف أنة غلطة البنت ماتتصلح مثلكسر الزجاج

    لذلك الله يهدينا ويهدي الجميع

    avatar
    AhMaD.YuSuF
    نائب المدير العام
    نائب المدير العام

    عدد الرسائل : 7941
    العمر : 27
    الأوسمة :
    تاريخ التسجيل : 28/07/2008
    التنبيهات :

    رد: هل فتاة النت فتاة سيئة.........؟

    مُساهمة من طرف AhMaD.YuSuF في الإثنين 11 أكتوبر 2010 - 5:03







    عنجد الموضوع معقد و عندي كومة أفكار عنه

    بس كل واحد و قناعاته

    سلامنتري







    ما بين أرجوحتين .... كان يقف محتارا ..... باكيا
    كلتاهما اعتادتاه ...

    رائحته الصيفية الفحولية
    وزنه .... الذي جعلهما يؤمنان بالجاذبية الأرضية ......
    فلولاها لحلّق !!! مع اول ريح قادمة ....
    ....
    عظامه البادية من جسده !!!.... أجل لقد ألفاها ....
    كانتا تأنّان يوميا ..... على إثر ضمّته ...
    الآتية من الجحيم !

    غرس في الأولى دمعة .... ثم هزّها ...
    وغرس في الثانية ...... قبلة وداع ...

    ثم استفاق

    _______________

    كــــــرم


      الوقت/التاريخ الآن هو السبت 21 أكتوبر 2017 - 9:00