ساحة جامعية للنقاش والتحدث بشفافية فيما يتعلق بالكلية والمجتمع


    شاعر حلبي

    شاطر

    WaDDa7
    مشرف قسم "Photo Gallery"
    مشرف قسم

    ذكر
    عدد الرسائل : 6654
    العمر : 27
    Localisation : القصور
    الأوسمة :
    تاريخ التسجيل : 01/03/2008
    التنبيهات :

    شاعر حلبي

    مُساهمة من طرف WaDDa7 في الأربعاء 5 أغسطس 2009 - 1:05

    قصيدة " شفت عيونا " للشاعر الحلبي " أبو محمود " من فسط حي الكلاسة ..

    شفت عيونا فسط الكاسة ..

    فسط الكاسة شفت عيونا ..

    تقدح متل الونّاسة ..
    حلوة متل مربّى المشمش ..
    ونظراتا بتعبّي الطاسة ( الرأس ) ..
    يخرب بيتا ..
    يخرب بيتا شقد حبّيتا ..
    قلعتلي قلبي من جرنو ( مكانه ) ..
    ساوتني بيضة فقّاسة ..
    كسرتني متل البطّيخة ..
    حتى صرت حزوز حزوز ..
    هالمخلوقة ينعن طيخا ..
    حلوة متل " العنبر بوظ " ( آيس كريم ) ..
    فيزونا شمّطلي عيوني ..
    وطيّرلي من راسي الظوظ ( المخ ) ..
    أخدتلي واحد شرشوح ..
    وهي حالة دنيتنا .. حظوظ ..
    راحت حبّت واحد غيري ..
    جبلا بيتين وسيارة ..
    ودشدوش وجبلا سنّارة ..
    مابعرف إشقد كان عيارا ..
    بس بعرف ..
    إنّي كل نسوان الحارة غاروا منّا ..
    وشالوا عالمستشفى الجارة ..
    فطسانة وما منّا شارة ( علاج )
    لمّا شافت هالسنّارة فلّس جوزا ..
    وصارت متل الجيجة العوزا ..
    على طول مهرهر شحوارا ..
    ورجعت لعندي زعلانة ..
    باستلي إيدي من الكوع ..
    وقالت : سامحني .. ندمانة ..
    قلتلا : روحي من وجي ( وجهي ) ..
    حاجة تنّقي ياكرارة ( كثير الكلام ) ..
    كنتي عندي متل الوردة ..
    وهلّق صرتي متل القردة ..
    كم كاسة قهوة ضيّفتك ..
    وكم سيارة ستأجرتلك و كم مسكليت ( دراجة ) ..
    وكم رفسة طعماني أبوي ..
    وكم طيّارة ..
    وكم حرب علقنا وكم غارة ..
    كلّو مشانك يافصعونة ..
    وبالآخر .. عردشتي وفصفصتي عضامي ..
    وتركتيني متل الفارة ..
    وحياة ترابك يا جدّي ..
    وحياة الأركيلة الكانت نانتي ( الجدة ) بتشغلاّ النارة ..
    مالك عندي عضّة خبزة ..
    وقصّتنا مالا دوبارة ..
    أنا شعّلتك .. وأنا طفّيتك ..
    وآخرتك .. فلتر سيكارة .. !!

    Most Wanted
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 11407
    العمر : 28
    Localisation : ATTACK
    الأوسمة :
    تاريخ التسجيل : 22/01/2009
    التنبيهات :

    رد: شاعر حلبي

    مُساهمة من طرف Most Wanted في الأربعاء 5 أغسطس 2009 - 1:19

    كلشي منك حلو

    ReDeeMeR
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 2956
    العمر : 27
    Localisation : in my lover's heart
    الأوسمة :
    تاريخ التسجيل : 28/05/2008
    التنبيهات :

    رد: شاعر حلبي

    مُساهمة من طرف ReDeeMeR في الأربعاء 5 أغسطس 2009 - 1:23

    يعطيك العافية خاي

    :Okey:::

      الوقت/التاريخ الآن هو الأربعاء 7 ديسمبر 2016 - 3:47