ساحة جامعية للنقاش والتحدث بشفافية فيما يتعلق بالكلية والمجتمع


    دردشات الأزواج ( كل واحد حسب عقلو )

    شاطر

    رضا
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 117
    العمر : 26
    Localisation : www.dna-sy.com
    الأوسمة :
    تاريخ التسجيل : 25/12/2008
    التنبيهات :

    دردشات الأزواج ( كل واحد حسب عقلو )

    مُساهمة من طرف رضا في الخميس 25 ديسمبر 2008 - 8:55


    (1)
    زوجين متدينين
    الزوج : إني أحبك في الله
    الزوجة : وأنا كمان أحبك في الله. استغفرالله من كل ذنب عظيم
    الزوج : بكل صلاة ما بنساكي من دعائي
    الزوجة : الله يبارك فيك ويجزيك الخير
    الزوج : أديش بتحبيني ؟
    الزوجة : عدد ما غرد طير وطار وتعاقب الليل والنهار ودعا داع في الأسحار
    الزوج : الله يا سلام على هالكلام زكرتيني بليالي رمضان
    الزوجة : إيمت بدنا نساوي عمرة ؟
    الزوج : رمضان الماضي كنّا بالعمرة !!
    الزوجة : معق حق شو رأيك نحج السنة
    الزوج : على بركة الله
    قبل ما يختمو السهرة..
    الزوجة : أبو .....
    الزوج : نعم يا أم .....
    الزوجة : دعاء كفارة المجلس
    الزوج : سبحانك الله وبحمدك أشهد أن لا إله إلا أنت استغفرك وأتوب إليك


    (2)
    زوجين صايعين
    الزوج : بتسدئي ما حبيت وحدة قد ما حبيتك
    الزوجة : وأنا كمان أدش حبيت بس متلك أبدًا ما حبيت
    الزوج : إنتي خليتي حياتي كووول
    الزوجة : إنت ستايل وبتجنن وبتشبه توم كروز
    الزوج : بتتزكري أول مرة شفتك فيا وين ؟
    الزوجة : مممممم بتزكر كنت مع رفقاتي بالسيتي سنتر
    الزوج : ياالله كان أسعد يوم بحياتي
    الزوجة : أدش بتحبني ؟
    الزوج : قد جمهور ريال مدريد
    الزوجة : صرعتني بريال مدريد ترا
    الزوج : يا عمري انا بشجع ريال مدريد لأن لونن يزكرني بلون شعرك
    الزوجة : طيب بتعرف ليش أنا بشجع برشلونة
    الزوج : ليش ؟
    الزوجة : لأن ريحة البصل بتذكرني فيك
    الزوج : الله عسل عسل دمك
    الزوجة : إي قوم قوم قبل لا

    (3)
    زوجين أغنياء
    الزوج : حبيبتي شو رأيك بغدانا مبارح بفينيسيا ؟
    الزوجة : بصراحة القعدة حلوة بس أكلن مو زيادة
    الزوج : أنا بصراحة عجبني أحسن من مطعمنا بروما
    الزوجة : طيب أنا رايحة باريس تمورو مشان أعمل شوبنغ بدك شي من هنيك؟
    الزوج : إيمت راجعة ؟
    الزوجة : ما بعرف على حسب يمكن توو دييز وبرجع
    الزوج : أخدتي مليونك من أبوكي ؟
    الزوجة : ياربيييييييييي الله يوفقك روح خدن والله ما عاد لحييييق
    الزوج : طيب شو الفائدة لو أخدتن طالما إنت مسافرة ومستعجلة!! بأي حساب بدك تعملي الشوبنغ ؟
    الزوجة : مو مشكلة .. في 300 ألف بحساب ابننا جوجو
    الزوج : أوكي حبيبتي بس ما تنسي ترجعين عحساب جوجو .. هدول مصاريه وبدو ينبسط فين
    الزوجة : انت وين رايح هالويكند ماي سويت هارد ؟
    الزوج : كنت بدي روح معك بس مواعد الوليد بن طلال عازمني عالعشا
    الزوجة : أوكي أنا بسافر بالطيارة الرمادية عبّيتا بنزين ؟
    الزوج : إي فيا بنزين أكيد .. وأنا رايح باليخت تبعي
    الزوجة : غود نايت حبيبي وسويت دريمز
    الزوج : غود نايت ماي سويت هارد


    (4)
    زوجين صغار
    الزوج : بتصدقي خلصت المرحلة الأخيرة بهاللعبة ؟
    الزوجة : إييييييييه أنا من زمان خلصتا .. هلأ عم إلعب لعبة جديدة
    الزوج : شو رأيك تدقي لسمير السمان خليه يطالعلنا تشكيلة بسكويت وشوكولا ولا تنسي أهم شي الكندر سربرايز
    الزوجة :حتى أنا مشتهية كندر سربرايز عم يطلع بقلبا لعبة شريك
    الزوج : وإزا دق علي توتو البطّه قوليلو مو موجود
    الزوجة : طيب قوم خلينا نكمل بلاي ستيشن
    الزوج : لحظة متابع حلقة سلاحف النينجا هلأ بتطلع ع سبيس تون
    الزوجة : شايفتا هالحلقة مو حلوة
    الزوج : هلأ بلا ما تحرقيلي الحلقة ترا لما طلع باباي البوكيمون كنت شايفا بس ما حرقتا عليكي.. إيوا

    (5)
    زوجين نهفة
    الزوج : قال في مدرس قال لطلابو : الغبي يوقف .. قام وقف واحد سألو المدرس ليش وقفت ؟ قلو ما حبيت شوفك واقف لحالك يا إستاذ =)
    الزوجة : عم تخفف دم ؟ سماع : مرة واحد دخل السلك الدبلوماسي تكهرب هاهاهاها
    الزوج : يخرب بيت الغباء سمعي : كلب شوارع مر على مخفر شرطة شاف كلب بوليسي قال : آآخ لو مكمل دراستي هههههههه
    الزوجة : عنجد دمك تئيل سماع : في واحد نازل ضرب بالجاجة تبعن ليش ؟
    الزوج : ليش ؟
    الزوجة : عم يقلا كل يوم بيض كل يوم بيض ما في جبنة .. هي هي هي
    الزوج : ههههههاي ماشي حالا .. سمعي : في ولد عمرو 3 سنين قال لأمو الحامل شو في ببطنك ؟ قالتلو : هادا أخوك الصغير ...
    الزوجة : هاهاهاهاهاها
    الزوج : لحظة ما خلصت صحي إنك غبية !!
    الزوجة : أوكي
    الزوج : قلا : بتحبيه ؟ قالتلو : إي بحبو .. قلا : طيب ليش بلعتيه ؟
    الزوجة : خلصت ؟
    الزوج : يا الله العالم شبعو ضحك

    AhMaD.YuSuF
    نائب المدير العام
    نائب المدير العام

    عدد الرسائل : 7940
    العمر : 27
    الأوسمة :
    تاريخ التسجيل : 28/07/2008
    التنبيهات :

    رد: دردشات الأزواج ( كل واحد حسب عقلو )

    مُساهمة من طرف AhMaD.YuSuF في الخميس 25 ديسمبر 2008 - 9:12

    ههههههههههههه

    فعلا موضوع حلو

    طيب و الزوجين الديرية

    شكون بي عنهم

    مشكور أبو الرووووض

    سلامنتري




    ما بين أرجوحتين .... كان يقف محتارا ..... باكيا
    كلتاهما اعتادتاه ...

    رائحته الصيفية الفحولية
    وزنه .... الذي جعلهما يؤمنان بالجاذبية الأرضية ......
    فلولاها لحلّق !!! مع اول ريح قادمة ....
    ....
    عظامه البادية من جسده !!!.... أجل لقد ألفاها ....
    كانتا تأنّان يوميا ..... على إثر ضمّته ...
    الآتية من الجحيم !

    غرس في الأولى دمعة .... ثم هزّها ...
    وغرس في الثانية ...... قبلة وداع ...

    ثم استفاق

    _______________

    كــــــرم


    AL-M.F.S
    الـــمـديـر الـــعـــام
    الـــمـديـر الـــعـــام

    ذكر
    عدد الرسائل : 4030
    العمر : 27
    Localisation : On My Computer
    تاريخ التسجيل : 24/10/2007

    رد: دردشات الأزواج ( كل واحد حسب عقلو )

    مُساهمة من طرف AL-M.F.S في الخميس 25 ديسمبر 2008 - 17:07

    عنجد حلـــــــــــــــــــــــــــــــــــــــــــــــــــــــــــــــــوة
    وأحلى شي أول نوعين
    مشكــــــــــــــــــــــــــــــــــــــــــور خيو




    الـشـيـئـــان الــذان ليــــس لهمـــا حـــــدود ... الكــــــون والــغـــبـــــاء
    مع أني لست متأكداً بخصوص
    الكون !!







    مــن الــســهــل أن تــضــع يــديــك عــلــى فــمــك حــتــى لا تــتــكــلــم

    لــكــن مــن الــصــعــب أن تــضــعــهــا عــلــى قــلــبــك حــتــى لا يــتــألــم



    Eros
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 2986
    العمر : 26
    Localisation : Der AlZoor
    الأوسمة :
    تاريخ التسجيل : 23/12/2008
    التنبيهات :

    رد: دردشات الأزواج ( كل واحد حسب عقلو )

    مُساهمة من طرف Eros في الخميس 25 ديسمبر 2008 - 18:07

    بس ما عرفنا الشباب مستقبلا من اي نوع راح يكونون :twisted: :twisted: :twisted: :twisted: :twisted:

    white dove
    ــــــــــــــــــــــــــــ
    ــــــــــــــــــــــــــــ

    انثى
    عدد الرسائل : 789
    العمر : 28
    Localisation : life
    الأوسمة :
    تاريخ التسجيل : 28/09/2008
    التنبيهات :

    رد: دردشات الأزواج ( كل واحد حسب عقلو )

    مُساهمة من طرف white dove في الجمعة 26 ديسمبر 2008 - 10:32

    حلوووووووة عجبتني هي اللي بالأخير

    specter
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 1731
    العمر : 26
    Localisation : In the dark
    الأوسمة :
    تاريخ التسجيل : 10/07/2008

    رد: دردشات الأزواج ( كل واحد حسب عقلو )

    مُساهمة من طرف specter في الجمعة 26 ديسمبر 2008 - 21:54

    يا عيني عليك يا ابو الرووووض

    انت من زمان مبدع

    يسلمو يا غالي

    ttoto
    ــــــــــــــــــــــــــــ
    ــــــــــــــــــــــــــــ

    ذكر
    عدد الرسائل : 839
    العمر : 26
    Localisation : SOME WHERE THE NOTHING IS THERE
    الأوسمة :
    تاريخ التسجيل : 23/11/2008
    التنبيهات :

    رد: دردشات الأزواج ( كل واحد حسب عقلو )

    مُساهمة من طرف ttoto في الأحد 28 ديسمبر 2008 - 3:35

    حلوة و بتسلي هي اللي بالاخير
    ومشكور

      الوقت/التاريخ الآن هو الخميس 8 ديسمبر 2016 - 13:51